Linkin Park

grupu múzika Amerika

Linkin Park ne´e grupu músiku nu metal ida husi Aquora Hills, California, Estadus Unidus. Sira troka naran dala hira, komesa husi Xero, Hybrid Theory to´o Linkin Park; agora. Naran Linkin Park ne´e sira hasara husi jardin ida iha Los Angeles, Lincoln Park. Maibé iha ema barak maka dehan naran "Linkin´Park" (Linking Park) o "jardin nebe iha relasaun".

Molok Chester Bennington sai vokalista banda ne´e, Mark Wakefield sai vokalista tiha ona; maibé nia sai tiha atu sai manajer banda Taproot. Bassista Dave Farrel mos naton sai husi Linkin Park atu halao tur ho nia banda tuan, Tasty Snax maibé la kleur fila fali. personil nain 4 seluk nafatin iha Linkin Park to´o agora.

Linkin Park hasai ona album 3 maka tui mai: "Hybrid Theory", "Meteora" ho "Minutes to Midnight". Sira mos produce ona "Live in Texas", "Reanimation" no "Collision Course" ho mos "Hybrid Theory EP". Linkin Park mos suksesu liu ho haklekar sira nia kansaun hanesan Crawling, Numb, In the End, Somewhere I Belong no What I´ve Done.

Istoria Linkin Park edita

Hahu

Linkin Park ne´e komesa mosu husi soru mutu entre Mike Shinoda ho Brad Delson(gitarista linkin Park) iha klase 7. depois sira harii banda Xero. Brad mos tokador iha "Relative Degree", ida husi nia personil mak Rob Bourdon (batarista Linkin Park) nebe hanesan kolega kuartu ho Brad. Mike, nebe foti sesaun Ilustrasaun iha Universidae Pasadane Art, hasoru malu ho Joseph Hahn (turntablis Linkin Park). Husi ne´e Dave Farrell ho Joseph Hahn hamutuk tama Xero.

Iha komesa sira foti Mark wakefield nudar vokalista depois troka tiha ho Chester Bennigton (vokalista tuan banda Grey Daze) to´o agora, Maibé Mike sempre sai emcee (rapper). Sorti ladiak, tan naran Xero grupo seluk uja tiha ona, ho laran todan sira troka tiha ba "Hybrid Theory". Husi ne´e, Hybrid Theory halo akordo kontratu ho empresa gravasaun naran Warner Bros. Records depois de sira nia suksesu ho "Hybrid Theory EP" iha 1999 ho disko rehun ida .

Dala ida tan, sira tenke troka naran tamba naran "Hybrid Theory" atu hanesan ho naran grupu músiko "Hybrid" mai husi Wales. Tan ne´e sira hili naran Linkin Park. Naran ne´e Chester foti husi jardin ida iha Los Angeles, Lincoln Park. Atu bele loke nia website mesak, Chester troka nia liafuan sai Linkin Park. Depois de ida ne´e, sira konsege hola website linkinpark.com.

Hybrid Theory edita

Linkin Park hasai sira nia album dahuluk, "Hybrid Theory", iha loron 24 outubre 2000 ho singel dahuluk "One Step Closer". Maibé, ida nebe famosu liu maka singel "Crawling" no "In The End". Kansaun hirak ne´e halo Linkin Park sai famosu liu. Album ne´e faan liu 15 milaun disku. Linkin Park produse tan edisaun spesial husi Hybrid Theory, ho kansaun foun 2 "High Voltage" no "My December".

Linkin Park hasai tan album remix husi Hybrid Theory, "Reanimation". Album ne´e mos hetan suksesu husi nia fa´an maisumenus kopia 10 milaun. Nia single, "Pts.Of.Athrty", ladun popular hanesan singel iha Hybrid Theory, maibé konhesido oituan. Linkin Park, liu husi Mike Shinoda ho Joseph Hahn, mos dala ida serbisu hamutuk ho banda The executioners iha produsaun singel "It's Goin' Down". Linkin Park mos harii sira nia grupo fans naran Linkin Park Underground, i komesa hala´o sira nia tour mesak ho naran Projekt Revolution, depois de ema invita hela deit sira ba festifal musik.

Meteora edita

Loron 25 Maret 2003, Linkin Park hasai album daruak ho titulo "Meteora". Naran ida ne´e sira foti husi naran templu ida iha Grecia. Album ne´e mos hetan suksesu depois de fa´an ho maisomenus kopia 11 milaun. Sira nia single ema gosta liu hanesan "Somewhere I Belong", "Numb", "Faint", to´o "Lying From You".

Meteora manan premiu barak. Hanesan premiu MTV kategoria "Video Rock nebe diak liu" ba kansaun "Somewhere I Belong" no "Premiu Televidentes nia hili" (Breaking The Habit). Linkin Park mos hetan premiu barak hanesan "Premiu Músika Radio 2004", "Premiu Artista Tinan ne´e" no "Premiu kansaun Tinan Ne´e" ho kansaun "Numb". Purtantu, album Meteora laiha suksesu album Hybrid Theory ne´e tama iha 3 mayor husi album sira nebe fa´an iha Estadus Unidos tinan 2003.

Linkin Park mos hala´o projetu Revolution Tour ba-2 mos okupa liu ho konsertu. Husi sira nia tempu ocupado ne´e, sira konsege , halo hotu sira nia grabasaun ba album konser ,"Live In Texas", nebe kontiene kansaun bainhira Linkin Park halo konsertu iha Texas.

Projetu seluk edita

Ho MTV nia husu, Linkin Park serbisu hamutuk ho Jay Z iha album "Collision Course". Materia album nee mak remix husi sira nia kansaun balun iha album "Hybrid Theory" ho "Meteora" ho tan kansaun sira Jay Z nian iha album "Blueprint" ho "The Black Album". Album ida nee hasai iha 2004 no produce single 2, mak Numb / Encore nebe hetan premiu husi Grammy kategoria "kansaun Rap diak liu" no "Kolaborasiaun Diak liu".

Iha tinan 2005, Linkin Park halo prioridade liu mak konsertu caridade. Sira ajuda vitima tsunami fulan Desembro 2004 iha konsertu ho hun Music For Relief. Linkin Park mos ajuda halibur osan ba vitima tufaun Katrina tinan 2004. Simultanea ho ida ne´e, Mike Shinoda halibur ho Fort Minor iha album "The Rising Tied". Chester Bennington iha projetu mesak nebe hanaran Snow White Tan nebe too ikus famous ho naran Dead By Sunrise. Depois, Linkin Park ba Japaun tinan 2006 atu tuir festival musik populer iha neba, maka Summer Sonic.

Minutes To Midnight edita

Iha tinan 2006, sira komesa grava materia ba sira nia album foun Linkin Park, maka "Minutes To Midnight". Barak mak kritika Linkin Park tamba sempre tarde iha nia publicasaun. Biar hanesan ne´e, Linkin Park garantia katak album loron 14 Mei 2007 merese atu halo koleksaun. Tuir Linkin Park, sira hanaran album foun ho "Minutes To Midnight" (minutus atu ba kalan boot) tamba iha isu nuklir iha mundo ne´e nebe bele halo aat mundo ne´e iha kalan boot.

Sira kria ona kansaun hamutuk 100 maibé 12 deit mak sira hatama ba album. Ema la fiar se album ida ne´e grava durante fulan 14. Iha album Minutes To Midnight, elementu musik nu metal ladun sai. Biar hanesan ne´e, ema nafatin gosta album nee, tamba album nee faan to´o 625 000 kopia iha fulan primero (rekor ida tinan 2007). Album studio ba datoluk nee produtu husi Mike Shinoda ho Rick Rubin, personil tuan Beastie Boys. Sira nia singel dahuluk mak, "What I've Done", komesa ema hasai iha radio iha loron 2 de Abril 2007. Minutes To Midnight mos hetan fatin aas liu iha Billboard. Iha loron 20 Agosto 2007, Linkin Park hasais singel daruak, naran "Bleed It Out". No, iha fulan Outubro, Linkin Park sei hasai tan singel "Shadow of the Day".

Kansaun "No Roads Left" ita bele hameno liu husi iTunes. Nune´e mos "Qwerty" ita bele hetan iha EP ho títulu Linkin Park Underground v6.0.

Jéneru musika edita

Husi nia komesa, Linkin Park nia jéneru rock. Maibé depois ida nee tama DJ o turntablis ida naran Joe Hahn, nune´e Linkin Park troka nia jénero sai hip-hop. Maibé, iha album Hybrid Theory, Linkin Park troka fali nia jéneru ho nu metal no rapcore. Hanesan mos ho album Meteora, so deit Linkin Park aumenta oituan ho elementu elektronika. Iha album Minutes To Midnight, buat hotu-hotu sira troka. Linkin Park hasai duni elementu nu metal ho spesifiku. Sai ninia truka, Linkin Park uja jéneru alternative rock. Nee hanesan esperimentu atu hanoin tan Linkin Park nia suksesu ho jéneru nu metal iha album antes. Maibé, esperimentu nee hetan suksesu duni.

Teknis edita

Linkin Park ladun uja tekniku melodi gitar maibé fetik gitar. Ho seluk tan, rap husi Mike Shinoda mosu hela deit iha kansaun barak. Dalaruma Chester hakilar iha kansaun balun. Dalaida tan, modifikasaun mosu iha album Minutes To Midnight. Linkin Park hakuran elemestu rap husi Mike. Nia rap iha deit kansaun 2 , mak Bleed It Out ho Hands Held High. Ho tan ida nee Chester nia vocal domina liu compara ho antes. Linkin Park mos toka suave liu.

Linkin Park Underground edita

Ida nee mak grupu fans Linkin Park nian nebe harii iha tinan 2001. Se hakarak tama LPU ita bele hetan merchandise spesial hanesan membro ba LPU. Hanesan faru kaus, asbak, livru, no album kiik (EP).

Membro edita

Membru Agora

1.Chester Bennington (1976-2017) – vokal

2.Rob Bourdon – Bataria

3.Brad Delsongitar

4.Dave "Phoenix" Farrellbass

5.Joseph Hahn – turntable, sampling

6.Mike Shinoda – backing vocal, sampling, rap, keyboard, gitar

Membru Tuan edita

1.Mark Wakefield – Vokal

2.Scott Koziol – Bass (Stand-in)

3.Kyle Christener – Bass (Stand-in)

Diskográfia edita

1.Xero Sampler Tape

2.Hybrid Theory EP

3.Hybrid Theory - 24 Oktober 2000

4.Reanimation

5.Meteora - 25 Maret 2003

6.Live In Texas

7.Collision Course

8.Minutes To Midnight - 14 Mei 2007

9.Road to Revolution: Live at Milton Keyne

10.Songs from the Underground

11.Underground 9: Demos

12.A Thousand Suns

Band balun nebe iha ligasaun ho Linkin Park edita

1.Fort Minor – Projetu ida husi Mike Shinoda

2.Dead By Sunrise – Projetu ida husi Chester Bennington

3.Hybrid Theory – Naran tuan Linkin Park

4.Xero – Naran tuan Linkin Park

5.Tasty Snax – Banda tuan Dave "Phoenix" Farrell

6.Grey Daze – Banda tuan Chester Bennington

Situ edita