Lingua franca nova

Lingua franca nova
Kria husi:	C. George Boeree
Tinan:	1998
Estatutu
Regula husi:	Asosia per Lingua Franca Nova (ALFN)
Kódigu Dalen
ISO 639-3:	lfn

Lingua Franca Nova (abreviadu hanesan LFN no koñesidu hanesan Elefen, maka lian auxiliár internasionál konstruidu ne'ebé orijinalmente kria hosi C. George Boeree hosi Universidade Shippensburg, Pennsylvania, no dezenvolve liután hosi ninia utilizadór barak. Ninia vokabuláriu maka bazeia liuliu ba lian romanu sira, hanesan fransés, italianu, portugés, españól, no katalan. Lingua Franca Nova iha ortografia fonémika bazeia ba letra 22 hosi eskrita Latina (eskrita Siríliku ida maka ko-ofisiál to'o 2021).

Introdusaun

Lingua Franca Nova ("Elefen") maka lian ida ne'ebé dezeña atu sai simples, konsistente, no fasil atu aprende ba komunikasaun internasionál sira. Ida-ne'e iha kualidade pozitivu lubuk ida:

Nia iha númeru fonema ne'ebé limitadu. Nia lian hanesan ho italianu ka españól.
Nia ortografia fonetikamente. Laiha labarik ida maka tenke gasta tinan barak hodi aprende irregularidade sira.
Nia iha gramátika regulár kompletamente, hanesan ho krioulu mundu nian.
Ida-ne'e iha konjuntu limitadu no kompletamente regulár hosi afiksu produtivu sira ba derivasaun liafuan rutina.
Ida-ne'e iha regra sira ne'ebé define ho di'ak ba orden liafuan nian, hodi tuir lian boot barak.
Ninia vokabuláriu iha abut maka'as iha lian romanu modernu sira. Lian sira-ne'e rasik maka jeneralizadu no iha influénsia, no mós sira kontribui ona parte boot liu hosi vokabuláriu Inglés nian.
Ida-ne'e dezeña atu aseita naturalmente neolojismu tékniku Latin no Gregu, "padraun mundiál" de facto.
Ida-ne'e dezeña atu parese relativamente "naturál" ba sira ne'ebé maka hatene lian romanu sira, lahó sai difisil liu ba ema seluk atu aprende.

Ami espera katak ita-boot gosta Elefen!

Gramátika

Elefen nia gramátika simplifika hosi gramátika komún hosi lian romanu sira ﬁkatalan, fransés, italianu, portugés no españól. Nu'udar ida-ne'e, ida-ne'e hanesan ho gramátika sira hosi krioulu romanu, hanesan krioulu haitianu, krioulu kabu-verdianu, papiamentu no chavacano.

Literatura

Literatura ida ne'ebé riku iha Lingua Franca Nova ho testu orijinál no traduzidu sira eziste.

Novela literária orijinál dahuluk ne'ebé hakerek iha Lingua Franca Nova maka La xerca per Pahoa, hosi Vicente Costalago, publika iha loron 15 fulan-Maiu tinan 2020 iha Web no iha loron 10 fulan-Maiu tinan 2021 iha forma imprime.

Iha ne'e maka obra literária prinsipál sira ne'ebé tradús ba Lingua Franca Nova, hotu-hotu disponivel ba públiku atu lee iha sítiu ofisiál:

Colinas como elefantes blanca ("Foho sira hanesan elefante mutin sira") hosi Ernest Hemingway
Demandas de un laboror lejente (Fragen eines lesenden Arbeiters) husi Bertolt Brecht
Frate peti (Maun Ki'ik) husi Cory Doctorow
La alia de capeles roja (Liga Ulun-Mean) husi Arthur Conan Doyle
La aventuras de Alisia en la pais de mervelias (Alice nia Aventura sira iha Rai Maravilha nian) hosi Lewis Carroll
La cade de la Casa de Usor ("Uma Usher nia monu") husi Edgar Allan Poe
La jigante egoiste ("Jigante Egoísta") husi Oscar Wilde
La prinse peti (Liurai-mane ki'ik) husi Antoine de Saint-Exupéry
Leteras de la tera (Surat sira husi Rai) husi Mark Twain
Re Lear (Liurai Lear) husi William Shakespeare
Tra la mirror, e lo cual Alisia trova a ultra (Liuhusi espellu, no saida maka Alice hetan iha ne'ebá) husi Lewis Carroll
Un canta de natal (Knananuk Natál ida) husi Charles Dickens
Wini-la-Pu (Winnie-the-Pooh) husi Alan Alexander Milne