Kultura Munisipiu Bobonaro

Uma Lulik,ka Kultura katak Dalan husi klalaok no hanoin ne'ebé ema moris iha grupu sosial ida aprende, kria no fahe ba malu. Ho kultura ita bele hare'e diferensia entre grupu humanu ida ho seluk. Kultura mos haketak ita ema ho animal. Kultura ema nian ida inklui sira nia fiar, sira nia regulamentu ba hahalok, lian, ritual, arte, hatais, relijiaun, no sistema ekonomia ho politika.Kultura hanesan aspeitu importante ida iha estudu importante.

Kultura iha karakteristik nebe oin-oin, hanesan:

1. Kultura hanesan simbolu - dalan abstrato hodi refere ba buat ruma no hodi komprende ideias, objetu, sentimentu, ou hahalok-abilidade hodi halo komunikasaun ba simbolu mak lian.
2. Kultura hanesan buat ida ita fahe ba malu - ema ne'ebe moris iha sosiadade hanesan fahe hahalok no hanoin ne'ebe hanesan kulturalmente.
3. Kultura hanesan buat ida ita aprende - ema ida-idak tenke aprende sira nia kultura
4. Kultura hanesan adaptivu - ema uza kultura fleksivelmente hodi adapta an ba mudansa natureza iha sira nia sor-sorin.

Kulturalmente Munisipiu Bobonaru ho komunidade provinsia NTT Indonezia iha relasaun externa kulturais no sosiais, difisil atu haketak ho sistema relativas tanba relasaun iha fronteira ne'ebe mak eziste hori uluk kedas iha fatin refere. Tan ne'e dala-barak ita asisti no rona aktividade kultura barak mak hala'o husi parte rua ne'e. Maibe kultura ne'ebe eziste iha rai laran Munisipiu Bobonaro iha diferensa oin rua maka hanesan : Kultura Kemak no Kultura Bunak

Kultura Kemak

Hanaran fetosan (mane foun) no umane, iha tempu hahu halo lia ou adat ruma hanesan lia moris, lia mate, han umaben, nst, ida-idak mai ho ninia pozisaun hanesan mane foun karik mai ho karau,osan belak, morten,tua,sigaru maibe tuir buat ne'ebé mak ema umane sira ba hateten ou hato'o ka tula ba sira, maibe sira tenke kumpri saida mak sira mai hato'o ka tula ba mane foun sira. Buat ne'ebé manefoun ka fetosan sira lori tuir sira nia kapasidade.

Kultura Bunak: Kultura bunak iha diferente oituan ho kultura kemak, tanba kultura bunak ho lian melayu dehan kotongroyong, la rekonese mane foun mai ho pozisaun no umane mai ho pozisaun saida. Parte rua servisu hamutuk deit hanesan halo sermonia kultural han-umaben, lia-moris, lia-mate sira soe hamutuk 5.00 dolar hotu-hotu umane ka mane foun 5.00 hanesan hotu. No mós la iha diferensa entre ba hahan hanesan kultura kemak nian se karik mane foun mai lori karau nia han na'an fahi ne'ebé ema umane sira prepara hela fahi ba sira hodi han, no umane sira labele han na'an fahi sira tenke han na'an karau ne'ebé mane foun sira lori no mós iha barlake feto sira la hafolin, wainhira kazamentu feto la kaben sai, no mos iha familia uma-kain ida nia laran oan mane ho oan feto, oan feto mak iha direitu mak simu ba rikusoin ne'ebé familia uma ida ne'e iha.