Historia Sao Tarcisio: diferenças entre revisões

PADROEIRO ACOLITUS SIRA NIAN

 

Iha loron ida, dadersan de’it, hanesan baibain, Tarcisio lao ba Katakombes hodi ajuda missa. Iha loron ne’eba, Amu Papa rasik mak halo missa. Maibé ema ne’ebe tuir missa ne’e oituan de’it, tanba ema foin kaer sarani barak hodi kastigu no oho. Nune’e barak mos mak halai no subar. Wainhira missa hotu, Tarcisio la fila lalais kedas ba uma, maibé nia sei ajuda arruma ka halot didiak tiha sasan Missa nian, iha tempo ne’e, Tarcisio rona amu papa koalia ho laran susar, dehan; “horseik seguransa kadeia nia ida, sub-subar mai fó hatete katak maluk sarani sira ne’ebé kastigu iha kadeia hakarak tebes atu simu Jesus Kristo nia futar isin molok ema oho sira. Maibé ha’u rasik labele lori ba tanba konese tena ha’u. Tan ne’e susar atu bele halo buat ne’ebé sira husu. Wainhira rona Amu Papa nia lian ne’e, Tarcisio hakat kedas ba Amu Papa nia oin dehan; Nusa Amu Papa labele haruka ha’u mak ba? Ema ida sei la deskonfia ha’u. Amu Papa simu ba Tarcisio dehan; “Labele, oan, o sei ki’ik oan liu atu halao knar santo ne’e, no serviso ne’e bele estraga o nia moris”. Tarcisio simu ba Amu Papa, dehan; maybe dader-dader ha’u smpre mai missa, ha’u deit mak Acólitus ne’ebé sempre ajuda missa. Ha’u la tauk sá tan dadersan lós, dalan sei mamuk, ema seidauk barak iha dalan. Rona Tarcisio nia razaun, nia badinas no nia laran kmaan, ikus mai Amu Papa hatan; hatan! Ó bele lori tok ba, maibé lao kuidadu iha dalan. Nune’e, Amu Papa hakneak ho respeito iha altar oin, foti Santissimo, tau iha aibalun osan mean ida. Tarcisio mós hakneak besik altar. Hafoin tara aibalun oan ne’e nia talin ba Tarcisio nia kakorok. Tarcisio taka didiak tiha ho hena be nia hatais nia rohan, hahu lao tuir nia dalan. Nia liman kaer metin los santissimo ne’ebé nia tara tó hirus matan, atu labele nakdoko no monu lako. Nia fuan tuku-tuku lós. Nia sente haksolok tebes ho fiar ne’ebé Amu Papa rasik fó ba nia. Nune’e nia reza iha laran ba Jesus atu Jesus rasik bele fó nafatin kbi’it no aten brani ba sarani sira ne’ebé ema kastigu no fó terus.

Maibé derepente, nia rona ema bolu nia naran, dehan; “Hei Tarciso, ó atu ba ne’ebé dadersan lós hanesan ne’e? Ó atu ba ne’ebé mak ó lao lalasi lós hanesan ne’e? Afinal ema ne’ebé koalia dadauk ne’e nia kolega eskola ida. Hafoin nia kolega sira seluk mós mosu tan mai hakbesik nia. Sira dada Tarcisio nia kabas, hafoin dehan; ami hare dadersan ida ne’e laos hanesan baibain. Iha buat ruma ka? Ó subar saida iha ó nia hena laran ne’ebá? Nune’e, nia kolega seluk dada hena ne’ebé Tarcisio hatais, hafoin dehan ba nia maluk sira; dala ruma nia lori buat ruma husi ema sarani sira. Hafoin sira hakilar hodi dehan ba Tarcisio diak liu fó mai ami buat ne’ebé o lori, ou ami hanorin ó agora. Maibé Tarcisio la fó Santissimo ba sira, nia liman rua ne’e hakoak Santissimo metin liu tan. Tarcisio lakohi Jesus Kristo nia futar isin Santo monu ba ema a’at fiar la iha sira ne’e nia liman. Haré ba Tarcisio nia hahalok ne’e, nia kolega sira sai hirus liu tan, nune’e sira balu tuda nia ho fatuk, balu tebe, no balu baku. Maske nune’e, Tarcisio la husik Santissimo, nia hakuak metin nafatin.