España

Reino de España

Lian ofisiál	españól
Sidade kapitál	Madríd
Área  - Total	51º boot liuhotu 505.990 km²
Populasaun  - Total (2016)  - Densidade	populasaun 30º boot liuhotu 46 468 102 92/km²
Osan	Euro (EUR €)
Fuzu oráriu	UTC +1 (UTC +2)
Inu nasionál	Marcha Real
TLD (Internet)	.es

España (iha españól: España) maka monarkia (Reino de España) iha sudoeste Europa nian ho populasaun aprosimadamente tokon 44.

Rai-España iha fronteira

• ho Portugál (1214 km), ba loromonu
• ho Jibraltár (1,2 km) no Marrokus (19 km), ba súl
• ho Fransa (623 km) no Andorra (63,7 km), ba nordeste.

Alhambra, Granada

Nusa Baleares, nusa Kanárias no enklave sira Seuta no Melilla -- iha Marrokus, iha kontinente afrikanu - nian mós parte rai-España nian.

Lia-español lian ofisiál España nian. Mós ko'alia lia-katalaun (iha Kataluña, Komunidade Valensianu no Baleares), lia-galegu - lian maluk portugés -(iha Galiza) no lia-basku (iha Rai-Basku no Navarra).

Madrid sidade kapitál rai-España nian. Seluk sidade sira: Barselona, Valénsia no Sevilla.

Nia ohin estadu membru Uniaun Europeia no OTAN nian.

Subdivisaun

Hori Konstituisaun españól 1978 nian España nafahe iha 17 Komunidade Autónoma no rua sidade autónoma Seuta nian no Melilla nian, maka ne'e goza estatutu intermediáriu entre munisípiu no Komunidade. 17 komunidade autónoma nian, haat (Galiza, Rai-basku, Andaluzia no Kataluña) goza kondisaun "nasionalidade istóriku" nian narrekoñese iha konstituisaun, hamutuk ho "Estatutu autonomia nian", maka reverte iha liu forsa no kapasidade desizaun nian no soberania nian ho respeitu ba seluk komunidade.

Komunidades nafahe sei iha 50 provínsia. Eis lista Komunidade nian no sidade autónomu nian:

Andaluzia (Andalucía) (sidade kapitál: Sevilla) Aragaun (Aragón) (sidade kapitál: Saragosa) Prinsipadu Astúrias nian (Principáu d'Asturies iha lia-asturiano, Principado de Asturias iha lia-españól) (sidade kapitál: Oviedu) Nusa Baleares (Illes Balears, naran katalaun, úniku ofisiál) (sidade kapitál: Palma Maiorka nian) Rai-basku (País Vasco ka Euskadi) (sidade kapitál: Vitória-Gasteiz) Nusa Kanárias (Canarias) (sidade kapitál provínsias nian: (Palmas Kanária Boot nian no Kruz Lulik Tenerife nian)

Kantábria (Cantabria) (sidade kapitál: Santandér) Kastela-Manxa (Castilla-La Mancha) (sidade kapitál: Toledu) Kastela no Leaun (Castilla y León) (sidade kapitál: Valladolíd) Kataluña (Catalunya iha katalaun, Catalonha iha oksitaun, Cataluña iha españól) (sidade kapitál: Barselona) Seuta (sidade kapitál: Seuta) Estremadura (sidade kapitál: Mérida) Galiza (Galiza iha galegu, Galicia iha galegi ka iha españól) (sidade kapitál: Santiagu Kompostela nian)

Komunidade Madríd nian (sidade kapitál: Madríd) Melilla (sidade kapitál: Melilla) Rejiaun Múrsia nian (Región de Murcia) (sidade kapitál: Múrsia) Komunidade Forál Navarra nian (Comunidad Foral de Navarra) (sidade kapitál: Pamplona) Rioja (sidade kapitál: Logroñu) Komunidade Valensianu (Comunidad Valenciana) (sidade kapitál: Valénsia)

Commons

Commons: Spain – Imajen sira