Bodohoo: diferenças entre revisões

Bado Ho'o hanesan Suco ida ne'ebe pertense sub distrito Venilale, distrito Baucau. Total populasaun hamutuk ema nain 1.549 kompostu husi mane nain 798 no feto 751. Bado Ho'o okupa area 22,47 km kuadradu no fahe ba parte rua ne'ebe keta-ketak. Parte leste baliza ho Suco Nahareka no Uaibobo (Sub distrito Ossu , distrito Viqueque), parte oeste baliza ho Suco Uailaha, parte norte baliza ho Suco Uma Ana Ulo, no parte sul baliza ho Suco Uato Haco. Suco Bado Ho'o kompostu husi Aldeia 5 mak hanesan Uaibobo, Uaikana, Uatubela Oli, Uataula, no Uma Ana Ico. Maizomenos 30 % populasau ko'alia lian Kawaimina (konsiste husi lian Mediki 23 %, Kairui 2 % no kuaze 5% Uaimoa) , 30 % populasaun ko'alia lian Makasae no 10 % populasaun ko'lia Tetum Prasa. Maioria populasau trata sira nia vida nudar agrikultura ou halo to'os ka natar, produto lokal mak hanesan hare, batar, feuk no seluk seluk tan. Iha Suco Bado Ho'o eziste bee manas iha Aldeia Uaicana neebe bele atrai turista sira.