Benjamim de Araújo e Côrte-Real: diferenças entre revisões

Conteúdo apagado Conteúdo adicionado
Sem resumo de edição
Sem resumo de edição
Liña 1:
[[Image:Benjamim Corte-Real.jpg|thumb||right|Benjamim Corte-Real]]
 
Moris iha [[1961]], no agora Profesór Doutór ona, '''Benjamim de Araújo e Côrte-Real''' halo parte ba jerasaun ne’ebé boot iha [[okupasaun indonézia]] nia laran.
 
Nia uluk estuda iha [[Externato de São José]], ne’ebé hanesan símbolu boot ida rezisténsia kulturál nian hasoru invazór, husi fulan-Agostu [[1979]] to’o Jullu [[1984]], no depois hanorin [[Kímika]] i [[Jeografia]] iha-ne’ebá, to’o nia arranka ba [[Salatiga]], iha [[Java]], iha fulan-Agostu [[1985]], hodi bá estuda iha [[Universidade Satya Wacana]], no iha-ne’ebá nia sai profesór [[lia-inglés]] nian ho teze ida kona-ba [[fonolojia]] be kompara [[lia-tetun]] no [[lia-inglés]].
 
Fila fali mai [[Timór Lorosa'e]], nia hanorin iha Departamentu Lia-Inglés iha [[Universitas Timor Timur]], molok atu arranka ba [[Austrália]], iha Jullu [[1992]], atu bá tuir kursu [[mestradu]] kona-ba [[Linguístika Aplikada]]. Liutiha mestradu nia hahú kedas kursu [[doutoramentu]] Linguístika nian iha [[Macquarie University]] iha [[Sídnei]], no remata iha [[1998]] ho ninia disertasaun naran ''Mambai and its verbal art genres – A cultural reflection of Suro-Ainaro, East Timor'', kona-ba lia-na’in [[manbae]] sira-nia arte. Nia fila ba hanorin iha [[Universitas Timor Timur|UNTIM]], no iha fulan-Marsu [[1999]] nia iha [[Macquarie University]] dala ida tan ba halalok akadémiku.
 
Buat hotu-hotu ne’ebé akontese iha otas [[referendu]] nian obriga nia família – nia oan-feto dahuluk foin moris – hein iha [[Austrália]], no iha Marsu [[2000]] maka sira fila fali mai. Iha Novembru tinan ne’ebá, nia mós hola parte nu’udar dosente iha universidade foun [[Timór]] nian: [[Universidade Nacional Timor Lorosa'e]].
 
Iha fulan-Jullu [[2001]] nia simu nomeasaun nu’udar diretór [[Institutu Nasionál Linguístika nian]], ne’ebé Governu mak harii, no iha Setembru universidade hili nia iha eleisaun atu sai Reitór [[UNTL]] nian. Iha [[INL]] no [[UNTL]] nia oin nia haka’as an atu hala’o ba oin polítika linguístika ida be tau neon metin ba kultura no identidade nasionál [[Timór Lorosa'e]] nian, liuhosi promove lian ofisiál rua, [[lia-portugés]] no [[lia-tetun]], kontra ema balu ne’ebé prontu atu soe identidade ne’e no tuir de’it interese raili’ur nian. Nia hakerek materiál oioin atu dezenvolve [[lia-tetun]], nia mós profesór, tradutór, no ema hotu-hotu konsidera katak nia sei kontinua nu’udar lian ida ne’ebé importante tebetebes iha futuru kultura nian iha nasaun foun ida-ne’e.
 
[[Category:Timór Lorosa'e]]
 
[[pt:Benjamim de Araújo e Côrte-Real]]