Tasi Mane: diferenças entre revisões

Conteúdo apagado Conteúdo adicionado
Sem resumo de edição
Sem resumo de edição
Liña 1:
Tasi Timór ([[Indonézia]]: Laut Timor, Portugés: Mar do Timór, Ingles: Timor Sea) ne'e tasi nebe mak haksanak husi [[Oseanu Índiku]], no haketak ilha [[Timór]] ho [[Teritoriu Norte]] (Ingles: Northern Territory) nasaun [[Austrália]] nian. Ilha Timor ne’e hafahe ba parte rua, husi parte lorosa’e hanaran [[Timór Lorosa'e]] ho ni-nia estadu mesak nebe mak hanaran mos Repulica Democratica de Timor Leste iha lian Portugés. Husi parte Timor Loromonu sai hanesan provinsia ida husi Republika Indonézia ho naran Nusa Tengara Timor iha lian Indonézia.
Tasi Timor ne’e nia luan 480km hanesan ne’e, no bele taka area atu besik 610,000 km2. Iha Tasi Timór ne’e nia okos depósitu minarai no gas nebe mak barak tebes no agora dadaun ne’e estadu Timór Lorosa'e ho Australia halo hela eksplorasaun hamutuk. Maski Tasi Timór ne’e situada entre ilha Timor no nasaun Austrália, minarai no gas sira iha ne’e la pertensi ba Indonézia tanba iha deit area entre Timór Lorosa'e no Australia nian.
Durante tinan hirak nebe mak liu ona ba, estadu Timór Lorosa'e ho Austrália hasai argumentus nebe mak manas no kroat ba malu kona ba oinsa atu fahe mina rai no gas sira nebe mak depósitu iha Tasi Timor nia okos. Hahu husi fulan Dezembru 2006, estadu Timór Lorosa'e hetan lukru husi eksplorasaun mina rai no gas hamutuk iha tasi Timor nebe mak hanaran Joint Petrolium Development Area (JPDA) atu besik $US 80 miloens fulan-fulan.